Høgare utdanning
Nettsider redaksjonelt vurdert
Norges Teknisk-Naturvitenskapelige Universitet (NTNU)
Med sine 19 000 studentar og 3 100 tilsette er NTNU det nest største universitetet i Noreg. Institusjonen står sentralt i teknologisk utdanning og forsking med basis i naturvitskapen, men prøver også å ha breidd innanfor humaniora og samfunnsvitskap.
Universitetet for miljø- og biovitenskap (UMB)
Universitetet for miljø- og biovitskap tilbyr studiar i sivilingeniør-, cand.scient., cand.agric.- og kortare studier innan fagområder som arealplanlegging og eigedomsfag, plantevitskap, husdyrfag, akvakultur, landskapsarkitektur, naturvitskaplege fag, tekniske fag m.m.
Universitetet i Agder (UiA)
Fikk status som universitet 1. september 2007. Var tidlegare Høgskolen i Agder. Universitetet tilbyr mange profesjonsutdanningar og anna yrkesretta utdanning. Tilbodet er fordelt over tre studiestadar i Arendal, Grimstad og Kristiansand.
Universitetet i Bergen (UiB)
Universitetet i Bergen har om lag 17 000 studentar og 2 500 tilsette fordelte på sju fakultet. UiB satsar på ein internasjonal profil, og har ein sterk posisjon innanfor marin forsking.
Universitetet i Nordland
UiN vart etablert 1. januar 2011. I tillegg til campus i Bodø har UiN studiestadar i Mo i Rana og i Stokmarknes. Det totale talet på studenter er pr 1. november 2010 ca 5300.
Universitetet i Oslo (UiO)
Det største og eldste universitetet i landet har 33 000 studentar og 4 500 tilsette. Det blir undervist i meir enn 300 fag fordelt på åtte fakultet. Hovudoppgåvene ved universitetet er undervisning, forsking og formidling.
Universitetet i Stavanger (UiS)
17. januar 2005 vart Høgskulen i Stavanger oppgradert til universitet, og vart med dette Noregs femte universitet. Lærestaden har 8000 studentar og 900 tilsette fordelt på humanistisk, samfunnsvitskapleg og teknisk-naturvitskapleg fakultet.
Universitetet i Tromsø (UiT)
Det nordlegaste universitetet i verda har om lag 6 000 studentar og 1 800 tilsette fordelte på seks fakultære einingar. Natur, kultur og samfunn i nordområda pregar undervisninga og forskinga, men globale perspektiv står også sterkt.
Oslofjordalliansen
Eit utdannings- og forskingssamarbeid mellom fire institusjonar rundt Oslofjorden; Universitetet for miljø- og biovitskap, Høgskulen i Buskerud, Høgskulen i Vestfold og Høgskulen i Østfold.
The Thes: World University Rankings (uk)
Britiske The Times Higher Education Supplement rangerer og kårar dei 200 beste universiteta rundt om i verda etter ulike kriteria. Sjølv om tilgang til dette fordrar et abonnement, kan ein få tilgang til lista via ein gratis prøveperiode på 14 dagar.
Top Universities
Årleg rangering til Times Higher Education. Her vert over 9000 universitet over heile verda vurdert.
Nasjonalt Organ For Kvalitet i Utdanningen (NOKUT)
NOKUT er eit sjølvstendig statleg organ som skal kontrollere og bidra til å utvikle kvaliteten på høgare utdanning i Noreg. NOKUT gjev også generell godkjenning av høgare utdanning teken i utlandet.
Universitetssenteret på Svalbard
UNIS er eit fellesprosjekt mellom universiteta i Tromsø, Bergen, Oslo og Trondheim for å tilby supplerande studiar i arktisk biologi, arktisk geologi, arktisk geofysikk og arktisk teknologi. All undervisning skjer på engelsk.