Departement
Nettsider redaksjonelt vurdert
Statsministerens kontor (SMK)
Sidene inneheld informasjon og nyhende om statsminister, regjering, regjeringsmedlemene, meldinga om rikets tilstand, regjeringserklæringa, eit oversyn over saker som er planlagde fremde for Stortinget og eit oversyn over regjeringane sidan 1945.
Arbeidsdepartementet (AD)
Arbeidsdepartementet har ansvar for politikken knytt til arbeidsmarknad, arbeidsmiljø, pensjonar og velferd.
Barne-, likestillings- og inkluderingsdepartementet (BLD)
BLD har ansvar for spørsmål knytt til forbrukarane sine interesser, familie- og samliv, oppvekst- og levekåra til barn og unge, likestilling, antidiskriminering og integrering av innvandrarar.
Finansdepartementet (FIN)
Finansdepartementet har som oppgåve å planleggje og setje i verk den økonomiske politikken, samordne arbeidet med statsbudsjettet, sørgje for at det offentlege får inn skattar og avgifter, samt overvake og utarbeide reglar for finansmarknadane.
Fiskeri- og kystdepartementet (FKD)
Departementet har ansvaret for fiskerinæringa, havbruksnæringa, sjømattryggleik, fiskehelse- og velferd, samt hamner, infrastruktur for sjøtransport og beredskap mot akutt forureining.
Fornyings-, administrasjons- og kirkedepartementet (FAD)
FAD samordnar fornyingsarbeidet i offentleg sektor og har ansvar for forvaltningspolitikk, konkurransepolitikk, IKT-politikk, kyrkjesaker, den statlig arbeidsgivarpolitikken og spørsmål knytt til samar og nasjonale minoritetar.
Forsvarsdepartementet (FD)
Departementet skal utforme og setje i verk norsk tryggings- og forsvarspolitikk, og har elles ansvaret for moderniseringa av Forsvaret, internasjonale operasjonar, anskaffingar til Forsvaret og skytefelt.
Helse- og omsorgsdepartementet (HOD)
Departementet har det overordna ansvaret for helsepolitikk, folkehelse, helsetenester, kommunale tenester til eldre og funskjonshemma, helselovgjevning og delar av sosiallovgjevnaden i Noreg.
Justis- og politidepartementet (JD)
Hovudmålet til departementet er å sørgje for at grunnleggjande garantiar om rettstryggleik blir oppretthalde og utvikla, noko som inkluderer ansvar for lovarbeid, domstolane/konfliktløysing, sivile rettsforhold, politiet, kriminalomsorga, redning og beredskap, samt polarområda.
Kommunal- og regionaldepartementet (KRD)
Departementet har ansvaret for spørsmål som gjeld bustadpolitikk, regional- og distriktspolitikk, lokalforvalting og gjennomføring av val.
Kulturdepartementet (KUD)
Kulturdepartementet har ansvar for kultur, medie, idrett, frivillig verksemd, tru- og livssamfunn og pengespel og lotteri.
Kunnskapsdepartementet (KD)
Departementet har ansvar for barnehagar, opplæring og utdanning, skulereformar, kompetanseutvikling og forsking.
Landbruks- og matdepartementet (LMD)
Departementet har ansvar for å føre ei forbrukarorientert matpolitikk, og ein landbrukspolitikk som omfattar arealforvalting, jord- og skogbruk, husdyrhald, reindrift og utvikling av nye næringar med utgangspunkt i landbruket.
Miljøverndepartementet (MD)
Departementet har ansvar for og skal jobbe med spørsmål knytt til forureining, friluftsliv, klima, luft og støy, kulturminne, naturmangfald, naturvern, planlegging og utbygging, samt vern av Svalbard og polarområda.
Nærings- og handelsdepartementet (NHD)
Departementet forvaltar og tilrettelegg politikk og rammevilkår for næringsliv, handel og skipsfart, noko som inkluderer spørsmål knytt til infrastruktur, forsking og utvikling, finansiering og garantiar, samt internasjonalisering og skipsfartspolitikk.
Olje- og energidepartementet (OED)
Departementet har ansvar for å tilretteleggje ein samordna og heilskapleg energipolitikk, og har som målsetjing å sikre høg verdiskaping gjennom effektiv og miljøvennleg forvalting av energiressursane.
Samferdselsdepartementet (SD)
Ansvarsområda til departementet inkluderer nasjonal transportplan, veg og vegtrafikk, bane, luftfart, kollektivtransport, yrkestransport, trafikktryggleik, posttenester og telekommunikasjon.
Utenriksdepartementet (UD)
Departementet har ansvaret for saker som gjeld Noregs forhold til framande makter, internasjonale organisasjonar, utenrikshandel, kulturelt samkvem med utlandet, samt forholdet til utviklingslanda.